My Space: मठरी

साहित्य : गव्हाचे पीठ, ओवा , लाल मिरची पावडर , मीठ , कोथिंबीर, तेल

कृती : प्रथम एका ताटामध्ये अंदाजे २ कप गव्हाचे पीठ चाळून घ्या. नंतर पिठामध्ये अर्धा छोटा चमचा ओवा , एक मोठा चमचा लाल मिरची पावडर , चवीनुसार मीठ, बारीक चिरलेली कोथिंबीर आणि २ चमचे थंड तेलाचे मोहन घाला सर्व पीठ हाताने मिक्स करून घ्या . पिठाचा गोळा बनतो का पहा . नंतर थोडे थोडे पाणी घेऊन पिठाची घट्टसर कणिक मळा . १० मि. कणिक तशीच ठेऊन द्या. तोपर्यंत गॅस वर तेल गरम करत ठेवा . आता कणकीचे चपाती एवढे गोळे बनवून घ्या व त्याची पातळ चपाती लाटा . ३ चपात्या लाटल्या नंतर एका चपातीला एका बाजूने तूप लावा व त्यावर दुसरी चपाती ठेवा , नंतर त्याही चपातीला वरून तूप लावा व त्यावर तिसरी चपाती ठेवा त्याला सुद्धा वरून तूप लावून घ्या. त्या तिन्ही चपात्या गुंडाळून लाथिम्बी बनवा. लाथिम्बी मळून घोळून घ्या व त्याचे सुरीने छोटी पुरी बनेल एवढ्या आकाराचे तुकडे पाडा. नंतर एक एक तुकडा घेऊन गव्हाच्या पिठाच्या साहाय्याने लाटा . छोट्या पुरी प्रमाणे आकार येईल असा पातळ गोळा लाटून झाला कि गरम तेलात मंद आचे वर तळून घ्या. मठरी थंड झाल्यानंतर चहा सोबतही खाऊ शकता.

टीप: मठरी मंद किंवा मध्यम आचे वरच भाजा . चपातीला तूप लावल्यामुळे त्याला पडदे सुटतात व ते कुरकुरीत होतात. मठरी खूप दिवस टिकते त्यामुळे तुम्ही एकदम बनवून साठवून ठेऊ शकता. स्टेप बाय स्टेप कृती खालील प्रमाणे....